PUBLICACIÓNS SOBRE O CONCELLO DE PADERNE

Hoxe comezamos a semana coa bibliografía acerca do Concello de Paderne 📚. Estas publicacións están a vosa disposición na biblioteca situada na Casa do Concello de Paderne.

Casa do Concello de Paderne

📔 Revista da Feira de Paderne. Concello de Paderne, Paraíso entre Ríos 

• Feira de Paderne. 2 e 3 de xullo de 2011
• Feira de Paderne. 3 e 4 de xullo de 2010
• Feira de Paderne. 4 e 5 de xullo de 2009
• Feira de Paderne. 5 e 6 de xullo de 2008
• Feira de Paderne. 30 de xuño e 1 de xullo de 2007
• Feira de Paderne. 1 e 2 de xullo de 2006
• Feira de Paderne. 2 e 3 de xullo de 2005
• Feira de Paderne. 31 de xullo e 1 de agosto de 2004
• Feira de Paderne. 5 e 6 de xullo de 2003
• Feira de Paderne. 20 e 21 de xullo de 2002
• Feira de Paderne. 21 e 22 de xullo de 2001

 

📘 Libros sobre o Concello de Paderne

• Rodríguez Cabanas, A. (2014). A cultura tradicional galega desaparecida. A vida no Ourovello (Paderne, A Coruña). 1950-2000. Apoio da Asociación Cultural Libre de Paderne Roxín Roxal.
• Calvo Sánchez, J. (2014). Memorias e anécdotas.
• Rico Rico, B. (2012). Vilamourel e os tempos de antes. A Coruña: Deputación da Coruña.
• Concello de Paderne (2011). Paderne, unha mirada ó pasado. A Coruña: Deputación Provincial da Coruña, Concello de Paderne.
• Río López, A. (2008). Vilouzás. Historia e xentes. A Coruña: Deputación Provincial da Coruña, Concello de Paderne.
• Concello de Paderne (2007). Paderne, tal como eramos. A Coruña: Deputación Provincial da Coruña, Concello de Paderne.
• Concello de Paderne (2006). Paderne na palabra das súas xentes. A Coruña: Deputación Provincial da Coruña, Concello de Paderne.
• Concello de Paderne (2005). Guía do Concello de Paderne. Paraíso entre ríos.
• Fariña Jamardo, X. (1993). Os Concellos Galegos. Parte Especial. Tomo VII (Ourol-Pontedeume). Fundación Barrié de La Maza. pp.71-84
• Deputación da Coruña (Ed.) (1989). Paderne. Vilarmaior. A Coruña: Deputación da Coruña.

 

 📜 Folleto turístico

• Descargable en: http://concellodepaderne.com/media/uploads/folleto-turistico/paderne-folleto-turistico.pdf

Se coñecedes algunha publicación que non estea recollida aquí, non dubides en comentalo máis abaixo 👇 ou achegarvos a Aula da Ría para que a poidamos incluír neste listado.

O BO TEMPO SEMPRE ACOMPAÑA NAS ANDAINAS

Achégase un fin de semana solleiro 🌄.  Que mellor forma de gozar do bo tempo outonal percorrendo a ruta da contorna da Aula da Ría, mediante a cal podedes coñecer o patrimonio cultural e natural do concello de Paderne, un paraíso entre ríos.

Animádevos a camiñar por este sendeiro e comentade as vosas experiencias e impresións na sección de comentarios situada máis abaixo👇!

Ligazóns dispoñibles da ruta:

- 📍Google Maps: https://bit.ly/3iFbYhJ

- 📍Wikiloc: https://bit.ly/3Dnujba

 

Lembrade, o Centro de Interpretación da Aula da Ría pecha ás 14:30 horas. Estaremos de volta o luns ás 8:30 horas.

¡BOAS NOVAS! APERTURA DO CENTRO DE INTERPRETACIÓN AULA DA RÍA

Dende o Centro de Interpretación Aula da Ría comunicamos que estaremos abertos dende o 1 de outubro ata o 31 de decembro de 2021. Todo aquel que queira achegarse a coñecer a Aula da Ría, lugar de divulgación da natureza, do patrimonio cultural e dos oficios que se desenvolveron durante anos na súa contorna, poderá facelo de luns a venres de 8:30 a 14:30 horas.

¡Estaremos encantados de recibilos! 😊

Queremos comezar esta nova andadura compartindo un poema de Josefina Calvo Sánchez sobre “Paderne, Paraíso entre ríos” escrito en marzo de 2010.

O Paraíso entre Ríos é un concello no que todos nós vivimos

e a súa corporación loita pola poboación sen ningunha condición.

O Lambre e o Mandeo ao noso concello rodean

coas augas cristalinas que o arco da Ponte Vella bebe.

¡Canta paz e harmonía se sente a carón dun río,

co ruído das súas augas que chega aos nosos oídos!

Contemplando as súas augas, sentimos moita alegría

e quixemos ser libres como a auga do río.

Se o río dos Caneiros nos puidese falar...

¡cantas cousiñas bonitas, el nos podería contar!

Porque polo río dos Caneiros moita xente sobe e baixa,

por el fanse excursións entre amigos e familiares  

e o Campo dos Caneiros serve para reunións 

e tamén para diversións.

E os fogos artificiais que botan na Ponte Vella

cando rematan os Caneiros é a cousa máis fermosa  

que teñen os betanceiros.

Os paderneses e os dos arredores baixamos á Ponte Vella

para ver aquelas lindas cores 

que parece que da auga nacen belas flores.

E as barquiñas todas engalanadas con rosas e caraveis,

con lazos e candeeiros ata as doce da noite, 

a xente nelas ceando sen présa para marchar 

e pensando no ano que vén

para alí volverse encontrar.

Aínda que tamén o Río dos Caneiros nos deu algún desgusto,

porque nel algunha xente a súa vida perdeu.  

Por iso agora puxeron máis protección 

para que a xente teña máis precaución.

(Referencia: Calvo Sánchez, J. (2014). Memorias e Anécdotas. Páxinas 21-22)