FOTOGRAFÍAS DAS ACTIVIDADES NAS ESCOLAS UNITARIAS

Como anunciamos a semana pasada, amosámosvos as fotografías que se tomaron durante ás actividades desenvoltas nas Escolas Unitarias de Viñas e Areas 📷. 

A primeira das actividades na que participaron os cativ@s foi a charla "Fomento da biodiversidade asociada á Ría de Betanzos". Durante a mesma, os nen@s puideron coñecer a fauna e flora que habita na zona da ribeira da Ría de Betanzos e en todo o concello de Paderne.

Cativ@s da Escola Unitaria de Areas atentos ás explicacións

Cativ@s da Escola Unitaria de Viñas gozando da charla

Ao rematar a charla, os cativ@s aprenderon a plantar landras e castañas nuns cuncos que coidan nas súas casas. Nos vindeiros meses comezaran a brotar 🌲.

Listos para plantar

As actividades desenvoltas enmárcanse na Campaña de Sensibilización Ambiental, dentro do proxecto “Adecuación e rexeneración do Patrimonio Medioambiental e accesos a zonas marisqueiras”. Esta Campaña é posible grazas ás axudas do Golfo Ártabro Norte, ao que pertence o Concello de Paderne, na Resolución da Consellería do Mar do 03 de agosto de 2021.

Actividade financiada por:

 

 Coa colaboración do:

CAMBIOS NO BLOG

Durante as vindeiras semanas estaremos modificando o blog da Aula da Ría para darlle un novo aspecto, co cal poderedes acceder máis facilmente a todas as publicacións do voso interese 💻.

Non obstante, estes cambios non van afectar ao desenvolvemento diario do blog, polo que poderedes seguir as últimas novidades.

Blog mudando de aspecto

COÑECENDO A AULA DA RÍA

O Centro de Interpretación Aula da Ría sitúase na antiga Escola Unitaria da aldea de Chantada, na parroquia de Souto, pertencente ao concello de Paderne (A Coruña). O proxecto de rehabilitación do edificio, iniciado no 2011, foi promovido polo concello de Paderne, ao abeiro dos Plans Estratéxicos Zonais (PEZ) e coas axudas convocadas pola Consellería do Mar no marco do eixe 4 do Fondo Europeo de Pesca (FEP) 2007-2013.

A Aula da Ría actúa como centro de referencia para todos os veciños e veciñas da zona. Un lugar dende ónde poden coñecer os valores patrimoniais, naturais e ambientais do concello de Paderne e os limítrofes. Ademais, dende a Aula da Ría, os visitantes poden coñecer o patrimonio marítimo e a cultura mariñeira dá Ría de Betanzos.

Centro de Interpretación Aula da Ría

O edificio está composto de dúas plantas. A planta baixa está destinada á divulgación da flora e fauna do concello de Paderne e a Ría de Betanzos 🌲🌼🐟. Concretamente, os visitantes poden coñecer a Ría de Betanzos e como cambiou a súa orografía ao longo dos séculos. Xunto a isto, poden achegarse á fauna que habita na Ría, así como a vexetación común, caso dos xuncos, e outras especies menos abundantes.

Sección da primeira planta da Aula da Ría

A planta superior está dedicada aos antigos oficios que se desenvolvían na zona mediante un gran mostrario de fotografías antigas 📷. Os visitantes poden coñecer o instrumental que os traballadores empregaban no seu día a día, así como se desenvolvía cada un destes oficios 🚣.

Sección da segunda planta da Aula da Ría

Achégate a coñecer a Aula da Ría! 🏡